SUPERSPECIALIST KAN MAMAWH
SUPERSPECIALIST KAN MAMAWH (Thu nâwi tawi) Thuhmâ: A hnuaia thlalâk ka rawn dah khi Dr Benjamine Khiangte MD, Gastroenterologist&Hepatologist ani(a thiamna dang chu lo dahtha rih dah ila). Ka hriatsualloh chuan Mizoram-ah Gastro kan neih hmasa ber a ni, la hrelo tân Gastroenterology & Hepatologist chu i Thin leh a kaihhnawih te, i kâ aṭanga pumpui, ril leh mawngkua thleng Specialist mai pawh nilo Superspecialist a ni. A pan duh tân Trinity Hospital leh City Hospital-ah a ṭhu ṭhin. Kan sawi tumah lut tawh ila, Mizoram hi State puitling kan nihna a rei ve tawh a, chutih rualin medical lamah hian kan la pachhe rih hle kan ṭhenawm State-te ngaihtuahin. An Service Field inanglo mahse IAS tluk zeta neih tam kan mamawh Superspecialist hi kan la nei tlem hle a, rual kan la awt reng mai dawn nge maw ni. Mizo-te hi zuk leh hmuam ti nasa kan ni a, Nerve leh thluak lampang kan insawisel nasa tawh hle, Neurologist kan neih chhun Dr Judy awm tawhloh hnu khan Neurologist hmel reng kan ne...