KHAWBUNG A TI TA DEUH DEUH LO CHHUAH DAN
KHAWBUNG A TI TA DEUH DEUH LO CHHUAH DAN Hmanlai chuan Mizote kha ram tha nia an hriat kha an bawh zel a, kum hnih thum te te bak an awm vaklo. Mizo lal ropui Kairuma (1852-1912) pawh kha tlang hrang hrang a zuan hnu-in kum 1891 khan Lungdar ram Lailen a zuan a. Kum thum hnuah Khawbung ram, TLAIKUANG ram chu kum 1893 Pâwltlakah a kâi leh a ni. TLAIKUANG ram hi tuna Khawbung khaw dinna khawthlang lam km 2 vela awm a ni a. Mual nuam deuh, sang lem lo, zâl nuam angreng tak a ni. Kairuma ho ten Tlaikuang an kâi dawn hian, tuna Khawbung Middle School I leh Hla Kungpui Mual inkar mual zam pheiah hian Hmar Khawbung tlem deuh an awm a. Kairuma hoten awmna tur hmun an han en chu an lo hmu a, an lo kai chho dawn a ni tih an hriat chuan an huphurh em em a, lo biak dan tur leh an hnawh chhuah loh nan sawi dan tur an lo ruahman lâwk a. Kairuma upa hoin an kai dawna ram an en chuan an rin lawk ang ngeiin an rawn zawt a,”Chi bik pawh kan awm chuang lo, I khua leh tui turte kan ni,” ti...