THLIRVELNA

 Lawmnaa khat rilru thianghlim chu tûktin par aiin a mâwi zawk a. Tirhkoh Paula chuan, "Lalpa ah chuan lawm fo rawh u" a ti mai lo a, "Ka ti lehpek ṭhin ang, lawm rawh u" a ti nawn leh ngat a ni. Lawmlohna, lungawilohna leh thinurna tur tam tak a thleng ṭhin ang, chutiang chung chung chuan lawm fo hi kan zir tur a ni e. 

DUNGTLANG PRESBYTERIAN KOHHRAN BIAK IN Dungtlang Presbyterian Kohhran Biak in hi June ni 11, 2016 (Inrinni) khana hunlaia bialtu Pastor Rev. Lalrinmawia’n lungphum a phum a. A kum leh January 2017 khan sak ṭan a ni. Kum 5 leh thla 11 vel sak nan hun hman niin December ni 17, 2022 (Inrinni) dar 11:00 AM khan Moderator Rev. F. Lalrinnunga’n a hawng a ni. Kohhran Committee chuan Biak in sakna atan hian Building Committee a din a, he Committee ruahmanna hian a tir aṭanga a tawp thlengin kalpui a ni.  Kan Biak in hi a dung feet 65 leh a vang feet 55 bawr vela sei a ni a, Biak in chhungah hian Gallery-a awmte nen chhûtin mi 650 vel leng thei tura ruahman a ni. Ṭhuthleng hi 95 dah mek niin hei aia tam pawh hi ṭul chuan dahbelh theih a ni. Biak in tharah hian Sound System thar dah a ni a, Active Sound-a mi hman niin an ni hian Installation pawh an rawn buaipui nghal vek bawk. Tin, Pulpit hi Pu Laldailova Pachuau(LPS) hmingin Pu Lalsawmliana’n min pe a ni. Biak in chhung tih lohah hian Room...