DUNGTLANG PRESBYTERIAN KOHHRAN BIAK IN

DUNGTLANG PRESBYTERIAN KOHHRAN BIAK IN

Dungtlang Presbyterian Kohhran Biak in hi June ni 11, 2016 (Inrinni) khana hunlaia bialtu Pastor Rev. Lalrinmawia’n lungphum a phum a. A kum leh January 2017 khan sak ṭan a ni. Kum 5 leh thla 11 vel sak nan hun hman niin December ni 17, 2022 (Inrinni) dar 11:00 AM khan Moderator Rev. F. Lalrinnunga’n a hawng a ni. Kohhran Committee chuan Biak in sakna atan hian Building Committee a din a, he Committee ruahmanna hian a tir aṭanga a tawp thlengin kalpui a ni. 

Kan Biak in hi a dung feet 65 leh a vang feet 55 bawr vela sei a ni a, Biak in chhungah hian Gallery-a awmte nen chhûtin mi 650 vel leng thei tura ruahman a ni. Ṭhuthleng hi 95 dah mek niin hei aia tam pawh hi ṭul chuan dahbelh theih a ni. Biak in tharah hian Sound System thar dah a ni a, Active Sound-a mi hman niin an ni hian Installation pawh an rawn buaipui nghal vek bawk. Tin, Pulpit hi Pu Laldailova Pachuau(LPS) hmingin Pu Lalsawmliana’n min pe a ni. Biak in chhung tih lohah hian Room 4 dah a ni a, chungte chu, Kohhran Committee Room, Vestry, Computer Room leh Archive cum Choka te an ni.

Inthiarna(Toilet) hi Biak in depah hian 3 a awm a, zunin hi Biak In bul Reception Counter hnuaiah mipa leh hmeichhe zunin 8 a awm a, chhinchhiahtlâk deuh pakhat chu kan Biak In saknaah hian hnamdang chhawr an awm lova, a tam zawk hi hnatlânga thawh vek a ni. A tlangpuiin mihring thâ hi________ vel sêng anga chhût a ni a, tin Gate mawi tak hi Champhai-a siamtir a ni bawk. Kan Biak in pumpui sak nan hian cheng nuai za sawmruk pali (1.64 crore) vel kan hmang a ni.Tunah hian Centenary Hall siam\ha tura hmachhawp neih mek a ni a, Building Committee dinin a ṭul huna hmala thei mai turin ruahmanna a kal mek a ni.