KUMTHAR MEMBER INLAWMNA LEH CHIBAI BUKNA - LEADER THUSAWI

-

                                                            KRISTIAN |HALAI PAWL

DUNGTLANG BRANCH

DANIELA GROUP INKHAWM

VAWI 1-NA

A hmun : Pu Lalhmingsanga In, Luangmual

A hun : Ni 09.02.2025 (Pathianni) dar 1:30 PM

KUMTHAR MEMBER-TE INLAWMNA LEH CHIBAI BUKNA LEADER THUSAWI

            Vawiinah keini Daniela Group 2025 ten kum 2025-a inkhawmna hun \ha tak mai kan nei thei hi a lawmawm takzet a, Pathian kaihhruaina duhawm tak kan chan avangin lawmthu kan sawi bawk a ni. Vawiina inkhawm tura lokal zawng zawngte kan Lalpa Isua Krista hmingin chibai ka bûk a che u a ni.

            A hmasain engvanginnge khawpâwna awmte hi Group-ah min siam tih hi tam zawk chuan kan hre tho ang a, chutih rualin hre lo tam tak kan awm maithei a, tlemte han sawilan a \ulin ka hria.

            Kan Branch Member a\angin hmun hrang hranga awm (zirlai leh hnathawk) nual ta a. A \hen chuan mahni awmna vengah \ha takin kan lâwi a, \henkhat chu kan inkhawm lutuk lo bawk a. Hetiang a nih avang hian kan hruaituten ngaihtuahna thui tak hmangin khawpâwna awmte kan lo inkuahkhawm a, Pathian biaa intawhkhawmna hunte kan neih theih nan, kan theih ang anga kan lo inkhawm ve kha \ha tiin min din a ni.

            Kan hruaitute \hahnemngaihna rilru hriain kan theih tâwkin Group activities-ah tel tum ila, programme kan ngah lova, kan tih chhunah erawh a tam thei ang ber tel kan tum dawn nia.

            Kum 2025 Daniela Group hruaitute hi a tam zawk chuan kan hre tawh tho anga; mahsela kumtirte ala ni bawka inhmelhriattirna hunh an nei hrim hrim ila.

            Leader                         -           Tv. Ngurthansanga

            Asst. Leader                -           Tv. Isaac Lalchangliana

            Secretary                     -           Tv. Zosiamthara

            Asst. Secretary            -           Tv. Zonunthara

            Treasurer                     -           Nl. Jessica Lalruatsanga

            Fin. Secretary              -           Tv. Nicky Zothansanga

            Kumtir lama kan Branch Committee ten kan Group Member an dah zat chu kan vaiin mi 56 kan ni a.  Hruaitute remtihnain Group member siamremte kan han nei nual a. Tichuan, tunah kan vaiin mi 59 (Mipa-32 Hmeichhia-27) kan lo ni ta a ni. Member-te hi a \ul anga dah belh zel theih an ni tih kha hre tel bawk ila. Kumin Group tinten kan Budget atan Rs 8500/- min tuk \heuh a ni.

            Kan hriat anga khawpâwna awm Group-te hi kum tinin min han din a. Chutih rualin Group dinte hi kumkhat atân zel a ni a, kum hmasa lama kan rel leh kan tih zawng zawngte chu kumhlui khan a liampui vek a. Engpawh kan ti dâwn a nih chuan kan rel \hat vek a ngâi dâwn a ni.

            Kum dangah chuan Branch-a kan Budget thehluh bâkah hian kum thara hruaituten Zero tawpa bul an \an loh nan tiin tlem azâwng hi Branch hruaitute hriat lemlohin kan inrochun chho mai \hin a. Kuminah chuan hruaituten Group tinte ruahmanna an siam ta a, kan sum la bângte Branch ah kan chhunglut vek a, kum bul \an nan Rs 1000/- \heuh min pe ta a, a lawmawmin a zângkhaithlak hle a ni. Kan Branch hruaitute chungah kan lawm hle a ni.

            Pawl nih ve chuan a pawimawh ber chu nilo mahse sum a ngâi a, chumi tur chuan mimal Budget insiamte leh thil zawrh kualte sum kan tuak \hin a. Pathian zara dam chuan sum tuakna ki hrang hrang kan ti leh dawn a, chungah te chuan theihtawp kan chhuah tlâng anga, tumah inphut bik leh awl bik tum loin kan theih chin chinah ke pem kan tum dawn nia.

            A tawp berah chuan khawi hmunah pawh awm ila, Pathian hre reng ila, kan fel emaw felloh pawhin Pathian leh a kohhran kan hnaih reng chuan thil \halo tam tak kan ti tur hi min vengin min phuar tlat a ni. Chuvangin kan Group pawh hi thildang zawng aiin Pathian lam min hnaihtirtu atan kan hmang \heuh dawn nia.

 

(Inkhawmah hian Secretary leh Asst. Secretary an awm loh avangin report tlem hi ka pe tel nghal a ni)

 

Comments

Post a Comment

Popular posts from this blog

TLAWMNA

-
  TLAWMNA Genesis 44:33 “Chuvângin kei, i chhiahhlawh hi, kan nau aiah ka tâng mai zâwk ang e, ani chu a u te rualin haw rawh se. ­ ”           He Bible châng hi Jakoba fapa sawm pahnihte zinga pakhat Juda’n a unaupa Josepha hnena a sawi a ni. Khatia Josepha’n Pharoa mumang a hrilhfiahsak hnu khan Pharoa khan Aigupta ram zawng zawng hotua a siam hnu khan \am a tla a, kan hre vek awm e. Josepha unaute pawhin apa tirhin Buh lei turin Aigupta an rawn pan vang vang a, a zawng zawng chu sawi lo ila khatia ruahmanna mumal hmanga Josepha’n a no ru anga Benjamina a puh khan amah chiah a bâwiha a tântir tur thu a sawi a Juda mangang lutukin inngaihtlawmna nasa tak nen Josepha hnena amah zawk Bawiha la zawk tura a ngenna kha a ni.             Pathian thuah hian inngaihtlawmna hi ringtute nuna pawimawh tak a ni a, Kollosa 3:12 ah chuan Pathian mi thlan, mi thianghlimte anga inthuam tura m...
Read more

THIRD GENDER LEH KRISTIANNA MIZO CULTURE-AH

-
  THIRD GENDER LEH KRISTIANNA MIZO CULTURE-AH   K an pi leh pute an rawn thlangtlâk hnu kum 1700 AD hnulam a\angin Mizote h [i] ian Lal hran neiin khawtin inrelbawlna hran neiin an awm \hin a. Lalte chu an khuaah chuan roreltu dinhmun luahtu sâng ber a ni a, khawtlang inrelbawlnaah thuneitu ber a nih bâkah a khaw mipuite hruai leh venhim chu a kutah a innghat thui hle \hin. Ziak leh chhiar la thiam lo mahse an khawtlang inrelbawlna kha a felfâiin dan mumal tak sakhuanaah leh khawtlang nun honaah an nei thlipthlep a, chumi hmang chuan ro an rel \hin. [1] Lal pui turin Upa Min, Khawnbawl Upate an awm a, lo neih leh ram enkawl chungchang buaipuitu Ramhual an nei bawk, Sakhuana leh damlo enkawl chungchangah Puithiam pahnih neiin Sadawt leh Bawlpu an ti bawk a, tin an hmanruate chherhtu tur Thirdeng an nei leh bawk a, tin Lalte leh Upa ten an thurel mipui hnena puangzartu Tlangau an nei leh bawk. Tlangval leh pa ho enkawl a, hruai turin Val upa an nei le...
Read more