NGAIHDAMNA

                                NGAIHDAMNA

Matthaia 18:21-35 :

Chu mi lai chuan Petera a lo kal a, a hnenah, "Lalpa, ka unauvin vawi engzat nge ka chungah thil tisual sela ka ngaihdam tur? Vawi sarih thlengin em ni ang?" a ti a. Isuan a hnenah, " ‘Vawi sarih thlengin,’ ka ti lo va che. ‘Vawi sarih hmun sawmsarih thlengin,’ ka ti zawk che a ni. Chu mi avang chuan, van ram chu, lal ber tu emaw a bawite hnena sum chanchin tihfel tum nen chuan, tehkhin a ni. Tin, a han tihfel tan chuan mi pakhat talent singkhat ba, a hnenah an rwn hruai a. Tin, pek tur a neih loh avangin, a pu chuan, amah nen, a nupui nen, a fate nen, a neih zawng zawng nen hralha rulh tur thu a pe a. Chutichuan bawi chuan, ‘Ka pu, ka chungah zahngai rih la, a zain ka pe vek ang che,’ tiin bawkkhupin chibai a buk a. Tichuan chu bawia pu chuan a khawngaih ta em em a, a thlah a, a bat chu a ngaidam ta a. Nimahsela, chu bawi chu a kal chhuak a, a bawipuite zinga pakhat a duli za ba a va hmu a; tin, a man a, ‘I bat kha mi pe rawh,’ tiin, a hrawkah a rek a. Chutichuan a bawipui chu a bawkkhup a, ‘Ka chungah zahngai rih la, ka la pe ang che,’ tiin a ngen chiam a. Nimahsela, a duh lo va; a bat chu a tlak hma loh zawng tan inah a va khung ta a. Chutichuan, a bawipuite chuan a thiltih chu an hmuhin, an lungngai em em a, a thiltih zawng zawng chu an pu an va hrilh ta a. Chu veleh a pu chuan a ni chu a ko va, a hnenah, ‘Bawi sual, mi dil chiam avang khan i bat zawng zawng kha ka ngaidam che a ni a; ka khawngaih che ang khan nang pawhin i bawipui chu i khawngaih ve tur a ni lawm ni? a ti a. Tin, a pu chu a thinur ta a, a bat zawng zawng a tlak hma loh zawng nghaisatute hnenah a pe ta a. Mi tinin thinlung taka in unaute inngaihdam loh chuan ka Pa vana mi pawhin chutiang bawkin in chungah a ti ve ang," a ti a.

           Tuna Bible châng ka rawn chhiar pumpuiin a sawi laimu ber chu ‘Ngaihdamna’ a ni.

            Lalpan \awng\aina min zirtir anga kan \awng\ai pawhin,“……kan chunga thil tisual tute kan ngaidam angin nangpawhin kan thil tihsual ngaidam ang che,” kan tih \hin kha.

Ngaihdamna kan mamawhna te:

i)             Chhungkuaah :

Chhungkua cheng ho reng inkarah hian ngaihdamna, inngaihdam tawnna hi kan lo mamawh khawp mai. Kan inngaihdam tawn loh chuan chhungkaw hlim tak kan ni thei dawn lo a ni. Inngaihdam tawn kan sawi hian thil tihsualah inenliam zel tur tihna ni loin, fellohna leh tlinlohna te inhrilhhriain, insiam\hatna tur zawnga thil kalpui tihna a ni ber. Tlinlohna te kan inhriatsaka kan inrel reng chuan nupa inkarahte, mote nen kan inkarah te, makpate leh chhungkaw member tute pawh kan inmil thei dawn lo a ni. Unau, enkawltu pakhat, enkawlna pakhat dawng \heuh \heuh pawh rilru hi a lo inanglo thei khawp mai a; Pathianin danglam \heuha min siam vang a ni awm e. Chutianga inngaidam tawn \hin chhungkua, nupa, nufa te hi alawm chhungkaw hlim lo ni \hin.

ii)                 Kohhran leh khawtlangah :

Mi pangngai chin chu kan active em em lo anih pawhin pawla inhmanna engemaw kohhran emaw khawtlangah kan nei ngei ngei a. Chungah chuan mi hrang hrang, chhungkaw background hrang hrang, mize hrang hrang kan thawk ho \hin a. Chungah tak chuan inngaihdamna mawlh mai hi a pawimawh em em a ni. A tam zawkah chuan hruaitute inkarah te, hruaityte nena kan inkarah te, member te inkarah hrim hrim pawh sawi leh sel tur tam tak a awm thei ang. Sawiselna tur awm lo kan awm loh avangin a nih dan tur ve reng a nihna chen a awm ang, chuvang te chuan kan inhriatthiama kan inngaihdam tawn fo hi thawhhona tha leh chak a nih theihna tur a ni. A nih loh chuan nichina kan Bible chhiara mi,“… ka khawngaih che ang hian in bawihpuite i khawngaih ve dawn lo’m ni?” tih thu khi keimahni chan a ni thei a ni.

      Tin, Chanchin\ha Matthaia ziak 6:14 ah chuan,”….mi an bawhchhiatnate in ngaihdam chuan, in Pa vana miin a ngaidam ve ang che u,” tih a ni bawk a ni.

      Exodus 34:7-ah pawh,”…mi sang tam tak chunga khawngaihna lantirtu, khawlohnate, bawhchhiatna te, suahsualnate ngaidam \hin” tiin Pathian nihna sawi leh bawk a ni.

      Tirhkoh Paula’n,”He rilru, Krista Isua pawha awm bawk kha, nangmahniah awm rawh se,” (Phillipi 2:5) ah kan hmuh hi a English version hian a chiang zual a,”Let this mind be in you, which was also in Christ Jesus” a tih angina, Insua rilru, ngaidamtu ropui a nihna kan vawn zel theih nan Lalpan kan thusawite mal min sawmsak rawh se.