KA PI LEH PU LUNGPHUN

 KA PI LEH PU LUNGPHUN

(21.03.2025)

Vawiinah hun tha tak kan nei thei hi a lawmawm hle mai, ka hmalamah khan thu tha tak tak an rawn sawi tawh a, han sawibelh leh vak tur pawh a awm lo. Chutih rualin lawmthu sawina tlem han belh ve ka duh a ni.

Vawiina an lung kan phun te hi an damlohlai atang khan damlo enkawl ngâi em em ang nilo mahse zan tam tak menpui ngâi an ni a, chutiang dinhmuna kan awm lai chuan min hmangaihtute kan tawng nasa em em a. Min tawngtaipuitu mai bakah min menpuitute kan nei nasa em em a, kan lawma kan thla a muang em em bawk a ni. Khawtlang tan thahnemlo tak kan ni chungin hmangaihtu kan nei nasa em em hi kan lawm takzet a ni. Vawiina an huntawp tak meuh meuh an lungphun ni ah pawh hian min hmangaihtu heti zat hi inlo kal khawm a, keini chhungkua min ngaihpawimawh der ve avangin in chungah kan lawm a, kan thla pawh a muang a ni.

Lungphunna kan thuziakte ka lo chhiar ange..

MIN HMANGAIHTU

Luahkungi, Kum 96

Chhungkua hlim taka kan chenho laiin ni 11.3.2020 khan a rawng a lo bawl thin Lalpa hnenah a chawl ta.

Khupthum a hmu

A fanu - Lalbiakthangi

Phuntu - A tu leh fate

Phunni - Ni 21.3.2025

MIN HMANGAIHTU 

Kan pa

C. Lalzama, Kum 78

Chhungkua hlim taka kan chenho laiin ni 24.4.2023 khan a rawng a lo bawl thin Lalpa hnenah a chawl ta.

"Luiral hla takah khian hlimin kan zai ang, Kawngkhar mawi khi an hawn hunah."

A nupui - Lalbiakthangi

A fate - 

1. Zodinpuii(L)

2. Lalnipuii

3. Lalhmunmawii

4. Lalengzauvi

5. Lalmuanchhungi

6. Lalsiamthuama(L)

7. Vanlalthuami(L)

8. Lalvenpuii

9. Lalruatpuia(L)

Vawiina an lung kan phun tâkte hi kan pi/kan pu an ni satliah lova, kan tân chuan zirtirtu, venghimtu, thawnthu min hrilh thintu leh min thlamuantute an ni. Kan zinga an awm lai kha chuan a ve tur renga ngaihna kha kan nei a, an han awm loh hnu hian an hmunruak zauzia kan hrechiang zual a, engtikahmah kan theihnghilh tawh dawn lo a ni.

Vawiinah hian an tâna kan tihtheih hnuhnung ber chu kan lo ti ta reng mai a, kan mangtha ta tihna erawh a nilo. Kan thinlungah an inpeknate, an mi hmangaihnate, an duhsakna kan dawn zawng zawngte kan vawng reng anga, min kalsan tâkna hian chhungkua hmun hrang hranga awmte min thuikhawm zualtu lo nise, inhmangaihna tizualtu a nih kan beisei a ni.